DIA INTERNACIONAL DISCAPACIDADE

Día Internacional das Persoas con discapacidade3 de decembro

Os libros: unha xanela aberta á discapacidade

ELISA NO MUNDO DAS MARABILLASA través deste libro, achegarémonos a unha realidade que ignoramos, que non queremos ver malia que a teñamos diante dos ollos. A realidade das persoas que padecen parálise cerebral e que aínda que cheos de dificultades, son quen de saír adiante.

TODOS SOMOS ESPECIALES: PEDRO Y EL RETO DEL MAPAA Pedro cústalle entender os mapas, pero cando nun campamento o seu equipo perde o mapa durante unha misión, Pedro descubrirá que é capaz de atopar o camiño de regreso por si só.Este libro inclúe un conto e explicacións sobre os retos aos que se enfrontan os nenos dislexicos e tambien algunhas das súas calidades especiais para que os comprendamos mellor.

OJOSNeste libro plásmanse, nun texto poéticamente sinxelo e con belos debuxos, as reflexións sobre a capacidade e a incapacidade para ver. En cada páxina repítense dous buracos, polos que ven dous ollos, distintos cada vez. Cando se dá a volta á páxina pódese ver a interpretación enteira da imaxe.

ROLF & FLOR EN LONDRESRolf e Flor viaxan a Londres para visitar ao seu amigo Erik. Alí coñecerán a Alex, un neno con síndrome de Down, que tamén está convidado pola familia. Un día, os nenos acompañan a Erik ao colexio. Chegou unha nova compañeira chamada Muna («esperanza» en árabe) que provén de Siria; un país en guerra. Muna está asustada e a inocencia de Alex será o catalizador para que senta como na casa e poida expresar os seus sentimentos.

TODOS SOMOS ESPECIALES: INÉS Y UN MISTERIO EN EL COLEGIOEste libro mostra os retos aos que se enfrontan os nenos con TDAH (trastorno por deficit de atención e hiperactividade) e tamén algunhas das súas calidades especiais para que os comprendamos mellor. Ademais do conto, inclúe notas, propostas e recomendacións dunha especialista sobre como fomentar o desenvolvemento dalgunhas habilidades en nenos con e sen necesidades educativas especiais.

EL CAZO DE LORENZOCon palabras simples e unhas ilustracións tenras e divertidas, a autora recrea o día a día dun neno diferente: as súas dificultades, as súas calidades, os obstáculos que ten que afrontar...

MARCOS Y LA LUNA Marcos é un neno con autismo. Acode á súa amiga A Lúa para que o axude. Non sabe como xogar cos nenos, non sabe como actuar e ás veces non entende o que din. A Lúa, cunha doce canción, abre o corazón de Marcos ao resto de nenos do colexio e ensínalles como axudalo. Un conto cheo de aprendizaxe e valores como a empatía, a igualdade ou a amizade. Sen dúbida fará crecer aos seus oíntes e lectores ata o infinito.

EL MISTERIO DE JULIA Julia leva a vida típica dunha nena de 8 anos. Xoga cos seus amigos, vai ao colexio... Pero de súpeto algo estraño nótase no seu comportamento, xa non é a mesma de sempre. Un libro que trata a discapacidade auditiva dunha maneira natural, sen dramas nin para a nena nin para os pais. O problema resólvese de forma rápida e sinxela para que todos poidan volver á súa vida de sempre.

EL LIBRO NEGRO DE LOS COLORES Tomás non pode ver as cores. Estes son para el miles de sabores, cheiros, sons e emocións. Desde a escuridade dos seus ollos, Tomás convídanos a descubrir as cores sen velos.