Want to make creations as awesome as this one?

Transcript

Hoxe día 18 de outubro celebramos o Día das Escritoras baixo o lema “Ler as idades da vida”.Dende o CRA Raíña Aragonta conmemoramos a tres importantes escritoras españolas da literatura infantil como son Olga de Dios, Anna LlenaseRocío Bonilla.

Esta madrileña é escritora e ilustradora profesional de literatura infantil e traballa no sector do deseño gráfico e a ilustración desde o ano 2006.Formouse como ilustradora na Escola de Arte número dez (Madrid) e como arquitecta na Escola Técnica Superior de Arquitectura de Madrid, UPM e na KU Leuven (Bélxica).En 2013 tras obter o Premio Amontoa Primeira Impresión publicou o seu primeiro conto infantil Monstruo rosa co que comezou a súa traxectoria coma autora e ilustradora infantil.Entre as súas obras destacan Pájaro amarillo , Buscar , Leotolda , Rana de tres ojos ou En familia.

É unha escritora e ilustradora especializada en literatura infantil, licenciada en Publicidade e Relacións Públicas ademais de graduada en Deseño Gráfico, tamén ten formación en Psicoloxía Analítica e un posgraduado en Arteterapia.Os seus primeiros anos pasounos traballando como deseñadora e directora de arte nas axencias Bassat Ogilvy & Mather e Publicis Casadevall & Pedreño. Pero deixou a publicidade para emprender e desde entón, deseña produtos orixinais, escribe e ilustra libros e imparte cursos de creatividade e emocións.Entre os seus libros destacan El monstruo de colores , Te quiero (casi siempre) , Laberinto del alma, Vacío , Topito terremoto ou El sol llega tarde.

Licenciada en Belas Artes pola Universidade de Barcelona con Certificado de Aptitudes Pedagóxicas ( CAP).Iniciou a súa traxectoria profesional en disciplinas como a pintura, o muralismo, a fotografía, a pedagoxía e, finalmente, a publicidade, que a mantivo apartada dos lapis durante doce anos.Desde 2010 compaxinou a ilustración dunha trintena de álbums infantís coa pintura mural, publicando traballos en diversas revistas.Como autora, publicou varios libros, tamén ilustrados por ela, entre os que destacan De que cor é un bico?, Premio do Ministerio de Educación e Cultura aos libros mellor editados de 2015, Cara de pájaro e La montaña de libros más alta del mundo .A súa obra foi traducida e publicada en Canadá, Francia, Estados Unidos, Bélxica, Italia, Portugal, Alemaña, Corea, Taiwan e China.