Símbolos políticos
tictiza
Created on July 1, 2017
More creations to inspire you
49ERS GOLD RUSH PRESENTATION
Presentation
INTERNATIONAL EVENTS
Presentation
THE EUKARYOTIC CELL WITH REVIEW
Presentation
INTRO INNOVATE
Presentation
FALL ZINE 2018
Presentation
BRANCHES OF U.S. GOVERNMENT
Presentation
QUOTE OF THE WEEK ACTIVITY - 10 WEEKS
Presentation
Transcript
SÍMBOLOS POLÍTICOS
A rosa é un símbolo socialista, que unído co puño ten un significado moi claro: a forza do puño cerrado representa o traballo e os traballadores dos cinco continentes unidos. A rosa representa a sensibilidade, o pensamento e a cultura.
O círculo simboliza unidade e determinación e o A, inicial da palabra "anarquía", ten o significado simbólico de autogoberno. Algúns din que en 1964, un grupo francés, Jeunesse Libertaire, creou o A circulado para dar un novo impulso á máxima de Proudhon "Anarquía é orde". Pero algúns milicianos na Guerra Civil española xa levaban este emblema nos seus cascos. A primeira vez que os anarquistas usaron este símbolo foi no Consello Federal de España da Asociación Internacional dos Traballadores (I Internacional) no que aparecía un A masónico con plomada inscrito nun círculo.
A Estrela Vermella, de cinco puntas e coloreada de vermello, é un símbolo ideolóxico e relixioso utilizado en emblemas, bandeiras, ornamentos ou logotipos con propósitos moi variados. A estrela vermella foi colocada xunto á fouce e o martelo na bandeira da Unión de Repúblicas Socialistas Soviéticas. De aí rapidamente diferentes tendencias comunistas foron identificándose con este símbolo.
A fouce e o martelo son os símbolos máis coñecidos do poder soviético, e por extensión, símbolos dos partidos comunistas. No verán de 1918, no marco do quinto Congreso dos Soviets, este símbolo foi oficialmente aprobado. Son símbolos que representan á clase traballadora, a fouce para o traballo agrícola e o martelo para o traballo industrial.
O Escuadrón de Protección, tamén coñecido como a Schutzstaffel ou as SS, foi unha organización creada en 1925 por Heinrich Himmler. O emblema do escuadrón estaba composto de dúas runas sig (SS). A runa "sig" é usada comunmente para denotar victoria. Este símbolo actualmente identificase coa ideoloxía nazi.
Este símbolo probablemente se remonte ao Ank, un símbolo exipcio. Usábase como amuleto de saúde, fertilidade e boa vida. Na mitoloxía exipcia está asociado ás imaxes das deusas Hathor e Isis. En ambos casos trátase de deusas relacionadas coa fertilidade e a maternidade. Na Antigüidade clásica Marte e Venus representan os principios masculino e feminino. Nos templos de Venus aparece este símbolo, quizais como unha representación do espello usado pola deusa. Entre 1731 e 1755 Carlos Linneo foi o primeiro en usar os símbolos do escudo e a lanza de Marte para sinalar ao macho e o ‘espello de Venus’ para indicar á femia.
É un obxecto de adoración para os budistas e hindús. No hinduísmo, por exemplo, represéntase a evolución do universo como involución, segundo o sentido que apunta os seus brazos. Nesta mesma relixión tamén é utilizado como un símbolo solar e, xeralmente, como un sinal de boa sorte. O símbolo rexurdiu a finais do século XIX cando se atoparon unhas olas de cerámica do Neolitico con esvásticas. Os nazis crían que esas olas de cerámica as pintaran os seus antepasados arios e por iso adoptaron esa imaxe como símbolo do Partido Nazi.